کشمیریوں عوام کی حق خود ارادیت کے حصول کیلئے طویل ولولہ انگیز جدوجہد کامیاب و کامران ہوگی ۔پاکستانی عوام نہتے اور مظلوم کشمیریوں کی جدو جہد آزادی کی آوازدنیا بھرپہنچاتے رہیں گے ۔ دنیا کی تو جہ کشمیر پر انڈیا کے غاصبا نہ تسلط اور کشمیر یوںپر بلا جواز تشد و بر بریت اور یواین او کی قراردادوں کے بر عکس جبری قبضہ سے نجا ت دلا نا ہے جس کے لئے پا کستا نی قوم کشمیر کی آزادی تک چین سے نہیں بیٹھے گی ۔ ان خیالات کا اظہار مقررین نے ملک بھر کی طرح ضلع لیہ بھی اقوا م متحدہ کی قراردادوں کے مطابق کشمیریوں کو حق خود ارادیت دینے کے طورکشمیریوں کے ساتھ دن منانے کے طور پر اظہار یکجہتی کے لیے منعقدہ ریلی سے خطاب کرتے ہوئے کیا ۔ ریلی کی قیادت ڈپٹی کمشنر اظفرضیاء، صوبا ئی پا رلیما نی سیکرٹری سردار شہاب الدین خان سیہڑ ،اسسٹنٹ کمشنر لیہ نیاز احمد نے کی ۔ریلی سے خطاب کرتے ہوئے سردار شہاب الدین خان سیہڑنے کہا کہ پا کستا نی قوم کشمیر یو ں کے ساتھ اظہا ر یکجہتی کے لئے اٹھ کھڑی ہے اور گلی گلی ،نگر نگر نکلنے والی ریلیاں اس با ت کی دلیل ہیں کہ کشمیر کی آزادی تک پا کستا نی قوم چین سے نہیں بیٹھے گی یہ ایک حقیقت ہے کہ ظلم آخر مٹ کر ہی رہتا ہے وہ دن دور نہیں جب انڈیا ٹکڑے ٹکڑ ے ہو کر بکھر جائے گا اور کشمیرآزادی حاصل کر لے گا۔ ڈپٹی کمشنر اظفرضیاءنے ریلی سے خطاب کرتے ہوئے کہا کہ پاکستانی عوام کے دل کشمیریوں بھائیوں کے ساتھ دھڑکتے ہیں اور کشمیر میں ہونے والے ہر ظلم و زیادتی پر ہماری عوام کے دل بھی ان کی طرح خون کے آنسوروتے ہیں۔ پاکستانی عوام کی کشمیری بھائیوں کی جدوجہد کے ساتھ کامل سیاسی ،اخلاقی اورسفارتی وابستگی ان کی آزادی تک ساتھ رہے گی۔انہوں نے کہا کہ علاقائی و عالمی فورم میں مسئلہ کشمیر کے حل کے لیے حکومت موثر طور پر کردار ادا کررہی ہے جبکہ پاکستان کی خارجہ پالیسی کا بنیادی محور کشمیریوں کے حق خود ارادیت کے حصول کو یقینی بنانا ہے ۔ڈپٹی کمشنر نے کہا کہ کشمیریوں کی بہادرانہ اور ولولہ انگیز جدوجہد ، غاصبانہ تسلط کے خاتمے پر منتج ہوگی اور کشمیریوں کی اس جائز جدوجہد کی کامیابی و کامرانی کیلئے پاکستانی عوام سیاسی و سفارتی جدوجہد جاری و ساری رکھیں گے۔ریلی ضلعی انتظامیہ کے زیراہتمام نکالی گئی جوٹی ڈی اے چوک سے فوراہ چوک تک اختتام پذیر ہوئی۔ریلی میںسی ای او تعلیم شرافت علی بسرا،ڈسٹرکٹ ایمرجینسی آفیسر ڈاکٹر سجاد احمد،ڈی او تعلیم توکل حسین ،شاہدہ پروین،صدرا نجمن تاجران ملک مظفر اقبال دھول،زندگی کے تمام شعبوں سے تعلق رکھنے والے سیاسی و سما جی کا ر کن ، سول سوسائٹی ، سرکاری افسران ، اساتذہ کرام ،میڈیانمائندگان، عام شہریوں کی کثیر تعداد نے شرکت کی ۔شرکاءنے بینرز و پلے کا رڈز اٹھا رکھے تھے جن پر کشمیریوں کی جدو جہد آزادی اور انڈیا کے مظالم کے خلا ف نعرے درج تھے ۔ کشمیریوں کواقوا م متحدہ کی قراردادوں کے مطابق حق خود ارادیت دینے کے طورپرکشمیریوں کے ساتھ دن منانے کے لیے اظہار یکجہتی کے تحت چوک اعظم،کروڑ ،چوبارہ،فتح پور میںبھی ریلیاں نکالی گئی ۔
